دقت أجراس المدينة وساد الصمت ساد
وابتدا ليل المواليف ي معشوقها
اظلم الليل وسكن يوم غطاه السواد
حن رعّاد المشاعر وناض بروقها
أمطرت مزن المواصيل من عقب البعاد
ماتت حروف المشاريه وسط حلوقها
بين نظرة شوق وعناقٍ لجرحه ضماد
طابت جروحٍ قبل يبتدي منطوقها
الجفا نار تواقد ويقفاها الرماد
هبت أنسام اللقى والغرام يسوقها
جاتني يطرق جسدها وزاد الشوق زاد
ارتمت من بين الأضلاع مادري فوقها
في دفاها ما درينا عن أنسام البراد
يوم غنّت عذب الألحان من طاروقها
ما هي أشعار الرصافة ومن بانت سعاد
رقّته مالت على حكاه شتّى عذوقها
سارحٍ فكري وهايم معه في كل واد
استلذ في شعرها واستلذ بذوقها
طول ليلي عندها لين نادانا المناد
صبحنا بان وترى الشمس حان شروقها
آه من عادات الأعراب وسلوم الجداد
ابعدونا والغلا حي في معلوقها
روحت مشحوبة الوجه مكسورة فؤاد
أشهقت من عبرةٍ وأسرفت في موقها
انطوت ليلة لقى الود يكسيها حداد
وانتهى ليل المواليف ي معشوقها