تحت القدم وجه المنافق وماقال
لين المنافق ينعمي في ظلاله
والله مافكرت في حكي الأنذال
وايش انتظر من طيب لأهل النذاله
كثر الحكي لكن واين اهل الافعال
وهرج المنافق مايسّتر خماله
ناس كبار جسوم وعقولها اطفال
متعودين على دروب الفشاله
في الكذب والبهتان والغيبه أبطال
وعند الحقيقه كل ابوهم حثاله
ابيع رفقة كل دجال بريال
واسامح الشاري ولا خذ رياله
الروس نعرفها وندري بالاذيال
واللى يمين الدرب واللى شماله