شف عيوني في غيابك كيف جفّت
ما بقى الا صورتك في وسط عيني
يا غلا نار الغلا ما يوم خفّت
كنّها تاكل حطبها من سنيني
ابتسم لا سلهمت عيني ورفّت
ادري انك في غيابي تذكريني
كل ما جت سيرتك قمت اتلفّت
اتوقع يغلب الشوق وتجيني
المشاعر من رحيلك ما تعفّت
روّحت مثل الرسل بينك وبيني
والعقول الي على العشق استخفّت
مع كثير شكوكهم زايد يقيني
طاهره ما شفتها من يوم قفّت
ولو نويت اشوفها اقطع يميني
والله اني قلت في قلبي توفّت
والقبر ما بين اهدابي وعيني
الليال الحالكه كفّت ووفّت
من وجعها ك انّها تقطع وتيني