الياس جمره تشتعل داخل الجوف
والعجز يدفع داخل الجمر وقاد
والصدر مدهل ينزله جاير الخوف
لاقالو احبابك عن اعيونك ابعاد
لج الهزيم بعوج الأضلاع مردوف
برزوم مزن مثقله تنقل اوتاد
تسمع دوي جرجورهايضرب ادفوف
يرجف رديف بحين مايرجفه جاد
يرهش مدد هشاله ابدون عاصوف
رأي النظر مابدل الشك بووكاد
مقصوده الي صادفت دهر بعجوف
تلفض حريص بميرته ينطق اشداد
ثوب العذر مشقوق والعفو مضفوف
بعد الغياب. المنتضر ماله بلاد
جامقبل أكثر ماحمل صدره احتوف
وتجمح وتكبح داخل اضلوعه اجياد
هي هي. وش حالك.نعم.عينك تشوف
هذي تفاصيل الشقاوي لك اشهاد
انا على حطة يدك تاركك نوف
خفاق ينتق لك ولك نبض بفواااد
وداعتك قلب وشرايين مشغوف
أسرف غلاه وجاك بالود منقاد
يامنية اللي طاح بالجد مكتوف
ماله عن الهم العَفَر حول مشراد
رهن العفو. كفو العطا.ود.مخلوف
سقمه عفا. عن قادح السهد بزناد
ياوارثه تيه الفخر كبر مزلوف
حسن الثنا.ولف لمواريك مرتاد
تطاولي نجم الجدي بعد مزفوف
ضي السواري والمصابيح وقاد
فيه الشُعل نور يتطاير من ارفوف
محافله سارت بها حضوض الأحفاد
مادام لك بإرض المكاسيب مقطوف
لك البقا. ولا الفنا. حض الأجساد
تفاخري بالميت بعهد واحلوف
مالك طليب بدم وافيك ينهاد
ماياسعك حيز غدى ورد مكفوف
هوى. هوا. لو ارتمي رمت ماكاد
دفع الجدا. فيه المدا.صرد مرجوف
مال الهُدا. بادمس دجا.فود عواد
انجي نواجذ وانجدي دقة اكفوف
حسره تلاك اسنين بحنوك حساد
لاجند الحاسد نصل سهم واسيوف
مايتقي دون السرابيل من قاد
مايكمن السامي ولوتذري اكهوف
حين القصايد تقتفي درب قصاد
ماسال حبر بخشم الأقلام مرعوف
إلى بعيد بعين الأشعار ينعاد
في كل سوق يساق له علم موقوف
ملزوم راد. بغبةالملح ميراد
قاضيه دندن دوزن الحان معزوف
سلوان للي يطربه جودالأنشاد
والصوف له بيدين ساديه مندوف
ولاذاد.شي. بحالة وفود الأضداد
وسحم الضواري للرعايا لها حوف
لابد ماتدخل مداخيل أهل عاد
ولكل قول وعلم واصف وموصوف
والي يحبل لصيدته صيد ماصاد
ماهمني زارف خبر. عند مزروف
يبدي. ولا عمره شكر فضلة الضاد
عذرالقمرلويستحي منك مكسوف
وعذره معه لو ماتحدده الأرصاد
ياشمس ذقت برحلة العمس معيوف
ولاعاد لي في داجر الليل مرقاد
لادجت بك ليلي تلمستك اطيوف
والي بقالي بالرجا منك مازاد
لاقلت طالت غيبتك. قلتي اضروف
لوتعذر الحجه هوى صاحب اعناد
كم كم وانا ازهم مسمع الحي بحروف
وأستنجده فيها واناديه مافاد
صحت وتقطع بالخلا حلق ملهوف
والصوت مفلس مالقا حيد رداد
ولازلت ناشد للرجا.فرد مضروف
يغني بيانه كل من جاه نشاد
كلي كتاب لحضرة الكل مكشوف
للصلح قام وصادر المسك وراد
والآه لو تُحسر لقت بالرجا أووف
لو نلت مطلوبي هناواطعم الزاد
مير البلا دايم بالأصباع مطروف
والعين ماتسلم من اعيون حساد
والدمع مايسلم من شفاي ملقوف
وشفيك ووش يقنع شديد وشداد
أسلم لي افرد للبحر طي ملفوف
وأبحر مدام ان العذل سوط جلاد
وأجمع شظايا حلم بالياس منسوف
ووجدي تفطر من مثايله الأكباد
أبتركه والطايف بعابر يطوف
ويكتب له المازن وفا. للوفا ذاد
ياشوك. لاتمشع مغاريزك الصوف
وطالبك لاتجدع مواصيلي احداد
الياس جمره تشتعل داخل الجوف
والعجز يدفع داخل الجمر وقاد
والصدر مدهل ينزله جاير الخوف
لاقالو احبابك عن اعيونك ابعاد