عمي كمال
ملهوش مثال
آه لو شفته
تقول موال
راسه غليضة
وكله سموم
زى العقرب والطنبور
يمسك ايدك تهرب منه
تجري بعزمك
وتخاف منه
صاحب السيرة
أخونا كمال
عنده لسان
مشدود مترين
شقه بإيده بالنصين
يلدع لدعة
تعمي العين
أمره عجيب
عمي كمال
شاطر جداً في البهتان
يكدب كدبة تهد جبال
لما تشوفه تقول موال
صاحب السيرة عمي كمال
أمره عجيب
مليان ألاعيب
عقله مخور
فيه براغيت
كل الناس عنده مفيش
وشه مضلع من التضاريس
لما تشوفه تقول يا سلام
قبل ما تحكي تلاقي برهان
فوق الأرض وبشبرين
شفت الضفدع أبورجلين
فوق الميه أو جو العين
صاحب السيرة
عمي كمال
علي أعتابه الكل مهان
أمره عجيب
ماسك الشنطة
ورايح العيد
عمي كمال
صاحب السيرة والبهتان
شاطر جداً
مش نمام
لما تشوفه تقول محال
شيخ مشخشخ بالريحان