ماقلت أحبك ولا قد قلت ما أحبك
أحب مالي عيوني وإنت تسواها
لو تدري إش كثر تعني لي تعرف إنك
آخر أمل في حياتي وأول مناها
ياكثر أحس إن بك مني وبي منك
روح قسمها على شخصين مولاها
لا تقول شتحب فيني أعشقك كلك
من ليل شعرك لشمسك وآخر أقصاها
سميتني نصفك الثاني وياشحك
أنا بسميك كلي وإنت معناها
تعبت أوديك له ياقلب ويردك
لاخذ حلومي ولا خلاني أنساها
كل الحمام ناح واستراح في ظلك
والورد الأصفر سقته الروح من ماها
ليتك بعمري ثلاث أشخاص ما أملك
واحد معي دومواحد روحي يملاها
والثالث بجفن عيني لافقد حسك
أو غمض الجفن جاني فيك يتباهى
مو بس أحبك أنا والله من حبك
أحب حتى ثرى الأرض اللي تطاها