خبر عاجل ومستعجل
ومش فاضي لقلنا وقال
سمعته الآن بدون عنوان
ما يستحملش أي جدال
تقوللي ازاي، تعشبشاي
وما تكدبشي مهما اتقال
قرار فُوري، وأنا بدوري
ها بلغكم خبر زلزال
سعادة العمدة بقى عمدة
ودوّاره مازال شغال
فؤادة خلاص بقت ملكه
ومين أده يا عبد العال
ولو عند البعيد كلمة
ها يبلعها بأيها حال
ولو مش عاجبه على جنبه
لذنبه هيشتغل شيال
بلاد الله لخلق الله
يهوينا ما فيش إشكال
يوسع للي حاببنا
ويدفع كُلفِة الأعطال
ولو محمود يعود تاني
ها يتمنى يعيش طبال
وألف زبيدة في المولد
ها تتحزم وتربط شال
وألف حكيم.. وعبدالله
ها يحيوا العُرس بالموال
وبس خلاص يا شعبولا
ما عادشي فيه كلام ينقال