ماهمني الكون خله يحترق بعدي
ملعون ابو الحزن والدمعة وآهاتي
تعبت افكر بهذا العالم لوحدي
واضيّع ايام عمري واجمل اوقاتي
زاهد في الاحلام والمستقبل الوردي
يكفيني اعيش واتمتع بلحظاتي
اللي عليهم بنيت آمالي وسعدي
هم كسروا لي مجاديفي وراياتي
اهدوني اشواكهم واهديتهم وردي
واستكثروا في زحام الهم ضحكاتي
لو الشعر والقصايد عندهم تجدي
ماكان راحت خسارة أصدق ابياتي
ولو الوفا مثل بعض اوجاعنا يعدي
ماكان زادت جروحي وانكساراتي
ويش الذي باقي من العمر لجل اهدي
للعالم ايامي وأجمل محطاتي
خلاص مليت من همي ومن وجدي
ابرجع لعالمي واهتم في ذاتي
واعيش واتمتع بهالعمر قبل اغدي ..
أسير للحزن والدمعات وآهاتي