من يوم غبتي صرت اشوف السلم يشبه للدمار
غرقت بدموع العيون وجيت يمك معترف
المملكة بديارها تبكيك يانور الديار
ما عاد باقي فى عيون الناس دمعٍ ينذرف
لانك غديتي فى عيون السمر تمثال الحرار
ولانك غديتى فى عيون البيض تمثال الشرف
يا غاليه يا غايبه تدرين ما شفت النهار
من ليلة الفرقا وأنا فى ليل عيا ينصرف
يعنى عشانك تملكين أموال وقصور وعقار
وألا عشانك بنت عز وعشتى الدنيا ترف
نسيتى اللى عاش بعدك بين نار وبين نار
من يوم سافرتى وغبتى عنه وابطيتى عرف
إن الهجر لاجاء من الغالين يشبه للدمار
والشاهد الله مابقي بالعين دمعه تنذرف