انا لو جيت ابنساهم الاقي الطيف وسْط الروح
بيتعطر من اشواقي وْ يجى في النوم يلقاني
انالو قلت ماابيهم يكذبني حزن مفضوح
حسافه ماقدرت انساه وهو باالحيل ينساني
اشوفه في عيون الناس والخاطر غدى مجروح
اصدق وهم في حبه واكذب ناس تبغاني
احاسيسه خلاويه واحاسيسي بعشقه تْنوح
ياويلي ياضنا حالي من اشواقي وحرماني
انادي له وارسل له يرد الصوت لي مبحوح
ولايرحم شقاحالي ولاهمّه بأشجاني
الا يالله صبرني اشوفه جي ووين اروح
اغمّض عيني وافْتحها الاقي الطيف بااعياني
انا ان جيت ابي اخفي غرامي للملامشروح
انا لو جيت اتكلّم بأسمه يغلط لْساني
ولو المح طرف ثوبه تلاقي الشوق مني يْفوح
يشمّه من قرا شعري ويعرف وش بوجداني
رهنت العمر لعيونه ومالي بالهنا مصلوح
رهنت القلب لسجونه وصار الحب سجّاني
ابصبر ع الألم والهم الين يرد فيني الروح
واكيد يعود يذكرني لأنّه كان يهواني