اذا عمْر الفرح بالحبّ ليلة
ياكثْر الحزْن في عمْر المحبين
في لحظه جا وميّل صوبي ميله
في لحظه غاب عن دنياك ياعين
وساهرت الصبر قاومت ويله
وخاويته على الله ربيّ يْعين
غرامه ساكن بروحي اشيله
حبيبي ومااظن اقدر على البين
صعيبه فرقته ماهي قليله
صويبه في حشايا نصْل سكين
ومت بهم لايمكن يخيله
قبل مايْمرْ على فرقاه يومين
وكيف انسى سجاياه الجميله
وكيف انسى نسايم من رياحين
وكيف انسى نواعسه الكحيله
وشفايف كنّها ورد البساتين
وكيف اسْهر بدونه نصّ ليله
ليالي العمر من غيره مساكين
الا يالله انا بوجهك دخيله
الا يالله تجْمع شمْل قلبين