زوال

زوال

سألت قلبى:

حبايبى جُوَّاك.. لا زالوا؟

قاللى ياصاحبى:

بعد هَجرُهُم.. زالوا!

وتَر

قلبى على بلدى انفطَر

وطنى انشطر

أوتارُه كُلُّه إتقطَّعِت

إلاَّ.. وتر

بهلوان

عالحبل شايف بهلوان

طالِع علينا بدون أوان

بِتوب قديم مليان رُقَع

م الحنجلة.. لازم يُقَع

حكيم

قال الحكيم:

الحكمة مِنِّى اتسرَّبِت

ونهايتى يابنى قرَّبِت

شوفلك حكيم

عقله سليم

الحِكمة فيه اتشرَّبِت

عبث

ساعات أشوف إنُّه عَبَث

مايكونشى جوَّايا خَبَث..!

علشان ما أفهم البشر

وأشوف قلوب مليانة شر

واعرف نفوس

بتحوى سوس

المكر... ف جدارها لَبَث

سعادة

مِن صُغرى ونا حتَّى صبى

ماعرفشى إيه معنى

فكرت.. وسألت أبى:

قاللى ياواد: إنت غبى

بتقول: يافرحة إبعِدى

ويا وِحدة مِنِّى.. قرَّبى

لُقا

ف السكة صُدفة قابِلتِنى

فينك يا صاحبى من زمان؟

ردِّيت عليَّة صدَمْتِنى:

لِسة فاكر... كان زمان!