أغار فعلا، وأبين مصدر الغيرة
وممن؟.. ولا شك بصلي ولا باصله
أعرف نفسي واقدر واضح السيرة
اللي عدوك يصير، ويقنعك فصله
ذاك أنحني له.. وأحيي فيه تقديره
أفديه لو هو غريم لي، بهالخصله
ينصف قبيلة، يقول الخير والخيرة
معدن حقيقي يشوم وغيرها أرخص له
ما خفخفت به تكاسي ضو تأجيره
ولا فتنت به الخطا بنت "تهنوص له"
ضو.. أوقد الظل.. في دمعة مزاميره
يثقل لو الأرض، وأهل الأرض ترقص له
حمد يتهدج لخلاقه وتدبيره
ويضعف له أكثر، لأن أكثر مخصص له
ما به تعنصر، يعوج الحق ويديره
وصل الله أقرب من أقرب نبض من وصله
وإن انظلم يوم للصادق مقاديره
غافل، له الله هو احرص منه وأحرص له
ومن يعرف اللير.. وش فرقه من الليره
يعرف بزوده ولو غيره ينقص له
يا ابعد عن الشعر من مسلم لخنزيره
ما فيكم اللي عرف له راي واخلص له