تمر من يمي ابقه اتامل بعطرك
لان حته الورد من عطره يتعطر
حرة بيش انه اوصفك يالصعب وصفك
يالعندك جمال من الجمال اكثر
اصبر يا صبر هذه التكول عليه
انه كلما اشوفك قلبي يتفطر
اذا ضنيت قلبي يحتمل هالشوك
تره صدك تخسره بلحظه يتفجر
كالولك عراقي شو دلالك زاد
تره مو كل عراقي عالصبر يكدر
يمعود دخيلك اني من حبيت
كلت بس انته اريدك ما اريد اكثر
مو رقت الحالي الناس كل الناس
ما ادري انته قلبك يمته يتاثر