يريح المسج والعنبر والطياب
ابوي انته وجريح شلون اعوفك
يميزان الكرامة وللعلم باب
اموتن إذا ما اكدر أشوفك
يبيرغ جود ما ينوصف بكتاب
يا وسفه أصبحت هيجي ضروفك
ذوله الهسه صارت عدهم انساب
عمرهم خلصو بوس بجفوفك
انته الكاع جانت منك تهاب
تلوح ابعد نجم جانت سيوفك
كل حك ما يضيع وانته طلاب
جنت لو سولفت محد يخوفك
يديوان العرب يالخيره جلاب
خيرك للغريب وخالي جوفك
جنت لليعتنيك ويجهب الباب
توج روحك شمع يضوي الضيوفك
جا هذه وفاهم دارو عليك
ما خجلو لمن وكعو طوفك
كتلتهم الغيره شلون الك صيت
رادو مايك يفارك طفوفك
انته بيا وكت ذوله يغلبوك
حته بحلم ما وصلو جروفك
أنت تلاوي دنيه ومن يلاويك
لو يكدر يفك معنه حروفك
حرف العين عالي بعلو الجبال
محظوظ وسعد كلبه اليشوفك
حرف الراء راقي شما يمر بيك
يابو الغيرة كعبه انته ونطوفك
حرف الألف أجمل بلد بالكون
ما غابت ابد عنه طيوفك
حرف القاف قانون انته للكون
كلهه تعلمت تقره بصفوفك