حجتلي شكد عليك وكالت الناس
واني شما حجولي أتعلق أكثر
كالو مو حلو وبطبعه بذات
واتحذر اذا خاملك يغدر
كالولي شكثر قبلك عرف ناس
بس فنك تكله بطبعه ينكر
واني بين كلبي وبين الضنون
كلما سولفو اسمع وعبر
مو بيدي احبك خل يكولون
حذرنه شكثر بس ما تحذر
إذا اكدر أحاذر منك اليوم
كلي شكثر اكدر عنك اصبر؟
هم يكدر ورد يستغني عن ماي
إذا يكدر وردنه ابتعد اكدر
بس ادري الورد ما يترك الماي
وادري الروح عنك جذب تصبر
آني بغير هاي وذيج تعبان
وانته تشوف وجهي شلون اصفر