دواي انته وعلي شلون شحيت
واني بكل ظروفك ما تخليت
جنت اتنطرك ماي بعطش صيف
ولو بردت اظلوعي تصير جبريت
جنت أتصورك واكفلي بالباب
بس تسمع بصوتي اتطبلي للبيت
من صحت ع لصوتي انكلبت الناس
اشو كلهه اجتني وانته ما جيت؟
عتبت عليك واعتب واعتب ردود
جن جنت بحلم وبلحظه فزيت
أطلبك والمواقف دين الأحرار
سويت شكثر بس انته سويت؟
اعدلك شرد اعدلك صارن هواي
من يوم التقينه واني صبيت
سحنت الروح لجلك والرحه اتدور
ومن خلصت روحي دموع ذبيت
عشتلك بالحزن كل عمري وياك
وبفرحتك عمري انثر جكليت