ما مرتاح لا والله ما مرتاح
وبصدري تكول مشجخات ارماح
بي من الوكت ظيم وقهر واحزان
جن منجل يكصني ويكطع السباح
معاتت وي زماني من الزغر لليوم
كل ساعة اللطش بس عندي سبع أرواح
تموع الروح خمله وتستحي من العيب
تشد بحزامهه وكل جرح بيهه سلاح
أخاف امن الشماته أتحمل الشداة
واصك سنوني اخافن يطلع صياح
متحذر وهاوش عاديات البين
بس أذاني اخوي امن انكلب تمساح
واني اطيته ظهري وأمنت مسنود
لنه بظهري نبت يدة المرواح
وتعذرت عنه وما كلت جتال
شو لنه يصيح ها كتلته وطاح
أرد اقره السلامة عللوكت ما دام
يوسف ينذبح كل مسه وكل مصباح