يا من لاقى طلايب
صك الصدر بنحور
وافى وازم عطايب
بمصقلٍ مشهور
ضرب بماضي ضرايب
بمفلج ميرور
بو سبع وبو ذبايب
له فى الحديد مهور
يختب من الهبايب
وتواغله منعور
شد ابيد من قرايب
ما وادعوني شور
قلت أعفو يا حبايب
قال أعثر يا معثور
وخذ الحق بغصايب
كره وتعمد زور
لين اتخطّى العتايب
كاد تهون الامور
يا ميليّ الترايب
يا مهتضم لخصور
شبيّتوا لي حرايب
والعفو من ذا اليور
ما دست لكم سبايب
كان تقبلون اعذور
دمع عيوني سكايب
ما وقفن لخطور
يا أهل النوق الخبايب
لي قفّلٍ وضمور
شلّوا دريكٍ غايب
ما ينتجل ويثور
قبل تصيبه مصايب
وانتوا مهب احضور
يا الله يعل الكذايب
لي يشهدون الزور
عيّة ريح ٍ صلايب
على خفو لبرور
في دلجات خرايب
ما يقطعن لبحور
راعيهن في نشايب
لا عرض ولا دبور
دمّه وقت الغرايب
يوم المايه ثبور
وريح وموي غضايب
وملاطمة يريور
صيحتهم في غبايب
حلوٍ عليه طيور