البارحه سهران ليلي واونّي
شروى الشحيح اللّي خسر في تجاره
من فاغرٍ فوق الفواد إمتحنّي
شروى نكيب السيل من بطن قاره
ما شاقني غير القدم يوم حنّي
تْقول دم ٍّمنتضح من حواره
بي صاحبٍ قفّى ولا سال عنّي
ولا ينلحق ساعة جزى من دياره
بتلاحقه على سفن يسبقنّي
لى شرعها توّه مْعدّل وشاره
وإلاّ بكراتٍ مْقيّضات في سنّي
والبِطن ما توقل بليّا زواره
فوقهن مناعيرٍ يذبّون عنّي
ما يرهبون الموت يوم السكاره
بتلاحقه لو في سمايا المبنّي
لو كان باب الجصّ واثق جداره
واطلب عسى أنّك يا زماني تْثنّي
وْتجيب ريمٍ لي نعيمه اقداره
عنقه شرى عنق الدّماني مْثنّي
يا شبه ريمٍ جافل في أقفاره
ما ينفع المغموض لو بايونّي
لو صاح ليله ثمْ مطلب نهاره
بآصيح وْمن يبغي ثوابي دفنّي
من قبل لا تكتب عليِّ احتشاره