سلام عدة وبل مزنٍ مراديف
نوٍ من المنشأ تزبر جويره
يا سيفنا الدايم ويا دايم السيف
ابن الملوك أحفاد صقر الجزيرة
أهل الجموع مفرقات المواليف
وأهل المقصب والسيوف الشقيرة
حبيت أقدم عندكم باقة الصيف
ي ملتقى السواح من كل ديره
شمت هوا تونس وباريس وجنيف
ي طلة أبها والجنوب وعسيره
خواطري مثل السبور المشاريف
المغريات السرد المستذيره
اللي تهاوي طيبين المواقيف
وتهيم في مدح الأسامي الشهيرة
تقلط على فيصل ترز الغطاريف
شعر يهيج داخله عبر أثيره
فيصل ولد خالد مغيث الملاهيف
فراج كرب المعضلات الكبيره
المملكة ما رد جيزان لي طريف
عاشت بخير الله بدي ثم خيره
وفيصل سمي اللي فتح خط برليف
يوم انعمت عند الرجال البصيرة
وفيصل تعشقه طيبات السواليف
وتخرم لريحة مستكاه وعبيره
عز الله إنها تنلقى بهجة الضيف
على كواكب حاجبيك المنيرة
يا الهيلع اللي ما تحسب التكاليف
وهايبك تغني اليدين الفقيرة
كبر الوهايم للرجال الجوازيف
اللي يشوفون الكبيرة صغيره
ولا ترى اللي دايم شبره ضعيف
ما يبغي إلا العافية والستيرة
يا سيفنا الدايم ويا دايم السيف
المعذرة كان القصيدة قصيرة