العيد في حضرتك غيّر جميع السلوم
واعلنت بيعة خفوقي تحت بيرق ولاك
من دونك الوقت في عيني عجاج وسموم
ومن دونك الروح ما تشغل بحيٍّ سواك
حتى مشاعر خفوقي عن سواكم تشوم
وما كن عيوني خلقها ربي الا تراك
واللي وجد حسنك انك كوم والناس كوم
لا يشغلك عذل خلق الله ووصفك ملاك
وعلى وجيه الخصوص وفي وجيه العموم
لا يلحقك شكّ في قلبي وقلبي معاك
عيدي معك ياخشير الروح في كل يوم
في كل لحظة معك عيدٍ يجدد غلاك