قلي الوطن كلمات.. ما فهمتا..
وبيعَثْرِة الخطوات حلَّلتا
قلي: إذا بيتِك صغر عَ مْحَبِّتِكْ..!!.. شو بيحملِكْ؟؟!!
قلت: الوطن.
قلي: إذا جار الزمن!!!...
قلي: إذا أمك وُبَيِّكْ جفجفوا؟!!
قلي: إذا زوجك رماكي!!!.. وكل أولادِكْ جَفْوا!!!..
شو بيرحمك؟!!
قلت: الرصيف بْ هالوطن!!!!!..
أغلى من كنوز الدني!!!..
قلت: بْ هويتي بْعْتِني..
قلت: الكرامي.. حاصرتني ورندحِت..!!..
وُقعِتْ ع خط الغيم..
لَمِّتْ غبار الضيم..
فتحت شرايين العطر..
وتلوَّنِتْ زخَّات ع بواب المطر..
وتلخبَط بْ كانون إحساسي..
ضيَّعت شارات المرور..
والكايني صارت غمز بيدور.
بْ كل الزوايا تْعَشَّقْ المنتور..
تاهت ملامح بلدتي وكبِر الوطن..
مَلاَّ الزمان زهور..
معذور قلبي المنتشي..
بقلبو الوطن محفور.!!!!!!!!!!!!!!!!!!!