موسهل..إنك تشوف اللّي تحبَّه..وسط بيتك موسهل
ويبقى عندك.. يسوى روحك..وَالْعشيرَه وَالأهل
وتبقى إنت الخصم ذاتَه.. يُوْمِي من عالي جبل
وإنت بالوادي السِّحِيق.. وُحَيِّد وُلا أيَّا ريق!
موسهل إنك تخاصم..حتَّى قلبك!!
حين من قلبك يسافر..
ويضطرب.. دَمَّك..وتبغى.. يضلّ فاتر!!
تْوُِنِّ إنتَ..وُتكتب تْعَدْعِدْ دِ فاترْ..
وَالحبيب يْضلّ فاجر!!
آه يا يوم الصِّفا
آه يا كثر انتظرتَك..والوعد.. عَدَّا وُجِفا
والسِّكاكين ال بعمري..
كُلّ وقت تْحْزِّ صبري
وَانا بَسّ الْزاد مُرِّي
آنا بَسّ اللِّي حْمِلْ صَعْب الخِطاوي..
وُما كنت عالفرقه ناوي
يا امتحانَكْ يا إلهي..
آنا أتْقََطََّع..وَشوفَ الولف لاهي!
وَانا أتحاسِبْ كِثير..وُغَلْتِطَهْ هَمٍّ كِبير!!
ويا سِواد القلبِ.. سيب القلبِ زاهي!
وُشَلِّعْ سْنون التّجافي مْنَ الوِريد
ماهو بِيدي..
أبكي وَاشواقي تِزيد..
وُعيني تَسري يَمْ وليفي..
تََلْحَظَهْ جَوَّى المقاهي
والفضا..يِكْتم شِهيقي..
وُهُوَّ ساهيِ!
آآآآآآ.. يا قلبي..
يَلِّي ذَ لِّيتْ.. وُنِهَرْتَك..ما لِفيِت
يكفي منّك هالمِصايب..يالْغَوِيت!!
رَجِّع لْقلبي مَحَلّهْ..يا إلهي.