وبنت الفرح ف عيونك بتحبل من سفاح
والبنت اللى كانت تستنى المخاض
لما ولدت عنكبوت...
عشش في أبعد حتة من قلبك القديم
حبل أعصابك بيلعب عليه بهلوان الانتظار
نقطة سواد الجبهة فى وش التعمد
ولا احمرار الخد فى وش الصدف؟
انت جريئة
جرأة البحر الملامس للعرايا والمايوهات القزاز
انت بريئة براءة الطفل
اللى خارج من شبابيك شهوتك يوم الميلاد
نهدك عيل عبيط بيتنطط بعفوية
فى شوارعهم... عنيهم
اللى بتتحول فجأة لجنينة حيوان
وساعتها أعرفك...
خطوة لنجمة فرس فى ضهر ليل صحرا
ضحكة لرفة جناح الموج
ف جبين العجوز... البحر
تقاطعيه هيا... هيا
كل ما يضحك يشاور لك بموجة
نفس الموج فى لحظة غضب بيغرقك
متلونة بلون الفصول
وانتى شايلة كراستك بالنهار
وبالليل ترقصي لأى مغنواتى تحت شباكك
أو أى ناي
بيعزف لحن شهوتك النشاز
وساعتها...
أسأل حتى العيال اللى شايلينك جوا الشنط
حبر مدلوق ع الورق