وقالوا الأولة دقة
على بواب القلوب بتقول
أنا طارق
أنا المرسول لقلب العاشقة والعاشق
ولو ركبوا سفين الشوق
فطوفاني جمعهم زوج ما هيفارق
وما يرسا على الجوديّ إلا قلوب تكون صادقة
ودي دقة
وقالوا التانية دقة
تصحى اليل يغني للنجوم مواويل
وحيد يا ليل
حزين ياليل
تجمّع حولك المجاريح
فليل الحظ والتفاريح
عليل الجسم قلبه ضريح
حكاوي وليها ف التواريخ ألوف سابقة
ودي دقة
وقالوا التالتة لئة
يقولوها نصيب لطلابه
ويقفل ف الوشوش بابه
فترضى به
ويفضل نخل أمانيها
ويفضل جرح لياليها
جذوره ف القلوب دقة
بميت دقة.