ياطاري الليل المسمى في حضور العاشقين
في ليلةٍ فيها نسيم الليل هاض شجونها
قلي وانا بقول لك سين السؤال اللي يحين
قلي إسم .. وأقسم قسم اني بها مجنونها
سلام ياقلبٍ يحب سلام يالحب الدفين
سلام يالخدر النواعس في رموش عيونها
سلامٍ آسمى من سما سم سم وسمى له ضنين
وهاضت قريحة شاعرآ يكتب لها موزونها
إن جبتها جنن .. تهكم .. يكتبه جنن رسين
إسمه على اسمي غازيآ .. وانا بها مقرونها
ينفث عليها وجدها بين المعاني له طنين
لا رقرق الخافق عشق تكتك وغنا فنونها
وان جبتها بين الوضوح اللي معانيّه تبين
قلت القمر هذا حبيبي والبني من دونها
ايه والله انها فارقه .. ماتشبه المتشبهين
في رسمها في قسمها في حسنها ومكنونها
قالت لي أشباهي كثر قلت العفو للأربعين
كذب المثل خلاني اعشق ماتقول ظنونها
نسايمك صبحٍ تنفس من عطور الياسمين
بهجة صباحك للفرح بين الشجر وغصونها
لدي بعينك يالغلا .. لدي اذا لي تسمحين
لاتهجريني .. يالغلا .. نفسي .. تزيد جنونها
قولولها ان الهجر يذبح قلوب العاشقين
بلاش تزيد غيابها قلبي .. غدى .. مطعونها