كل شاعر طموحه بالقصيد التفرّد
ينتقي من بنات الفكر شرد وفرايد
بس انا شاعر ٍ في ساحة الشعر أغرّد
ما ادور ورى جزل القوافي فوايد
يمكن الشعر لو ينطق يقول متمرّد
لان انا مبليّ ٍ بالشعر وانزف قصايد
جنبوا عن ضميرٍ عاش عمره مشرّد
و اتركوا خافق ٍ تصلاه نار الوقايد
ودي اشرح لكم ما صار بس مترّدد
لان من يُبتلى بالعشق ذاق النكايد
حينما اذكر الحب النقي و اتجرّد
عن قوانين واعراف وسلوم و عوايد
اجرح قلوب ناسٍ مثل حظي مقرّد
عاقبتهم عقوبه لابسات القلايد
ضامرات البطون اللي كما الصيد شرّد
من عشقهن حُرم لذة منام الوسايد