يوم جيتي لك بيوت القصيد استهلت
جيتك غير عن جيت بنات الحمايل
فيك مزن القصايد يوم غنيت هلت
مثل هلّ السحابه من صدوق المخايل
مرحبا بك عدد ما مزنة الغيث بلت
قاع نجد وتملت به جميع المسايل
مرحبا بك عدد ما الخلق لله صلت
مرحبابك من الطايف ليا حدود حايل
فيك ِ ايات ربي بالمحاسن تجلت
شيب عيني وغصنك قدم عيني تمايل
الجمال الحقيقي به عيوني تملت
( …… ) و ( ……. ) عامل عمايل
ياسعد شفت مجدول الغضي يوم فلت
وانتثر شعرها لبى هذيك الجدايل
لو ما نفسي بصبر اهل المكارم تحلت
كان طار العقل و اصبحت ماني ب قايل