دنيا الشقا كم مرةً باغتتنا
في موت منهم بالمواقيف وافين
سلت علينا سيفها وفجعتنا
في فقد ناسٍ حيل بالقلب غالين
ياما من امرار المصايب سقتنا
نشرب كدر ونعاني الغبن و البين
شدت علينا حيلها وذبحتنا
ذبحة عقيد ٍ طاح بيد المثارين
ما تنومن لو اقبلت واضحكتنا
صيور منها يبكي القلب والعين
ما جت على رغباتنا وشهوتنا
لكن بها ندعي عسى الخالق يعين
يارب لطفك من هموم ٍ وطتنا
خلت قوي الباس من باسه يلين
نصبر لو صدوف المواقف كوتنا
في دبرة اللي له سجودٍ مصلين