يا مكرمين الجار و الثاني الضيف
يامعربين الساس طلقين الأشناب
يا خالد الحافي هل الجود والكيف
انا يا ابوعايش من الوقت منصاب
ودموع عيني يالعتيبي ذواريف
عامين ما ذقت الهنا يا ابن الالباب
والله ياللي ما تحسب التكاليف
إنك عزيز ولك مكانه و ترحاب
وحنا وياكم يالعتيبي مواليف
والشاهد الله يا مهدّين الاصعاب
ياخالد الحافي وانا اخوك ياحيف
الشمري دمعه على الخد سكاب
وين انسب المنسف وين انسب السيف
ما غير شمرّ ف العرب ما لها اصحاب
الناس تدري به من السيف للسيف
ما يطرق الا باب من يفتح الباب
باب الكريم اللي لمن يقصده ريف
شرواك يا ممدوح فكاك الانشاب
بين النشاما ما تضيع المعاريف
اللي من عتيبه ومن شمر اصحاب