تحت إرادة عالم
الغيب تدبيري
هو ملاذي عن لظى الفكر و الحيره
يا إلهي زاد همي و تفكيري
انت وحدك خالقي تعلم الخيره
اسألك عفوك ليا زاد تقصيري
يا عظيم ٍ واحد ٍ ما ارتجي غيره
في يدك من بعد الاعسار تيسيري
جعل كل الخير في كل تأخيره
رزقي المقسوم لي ماهو لغيري
مؤمن ً بالله و راضي بتدبيره
يا قصيدي زان بدعي وتصويري
الهجوس تعانق الفكر و تثيره
وردن بيوت القصايد مساييري
في خفوق ٍ يعشق الجزل و يجيره
شرّدً من نظم راسي و تعبيري
القصيد الوافي اصوغ تعبيره
في مواقف هزت اعماق تقديري
عند من كنت احسبه طيب السيره
بس انا بي طبع من يومي صغيري
ما اسأل المخطي انا ويش تبريره
ما ادور من ورى الناس تفسيري
من جفاني مخطي ٍ راح تقديره
ممدوح العفري