من يجهل الفرد لا يحكم بها كثرة
الشي بالمثل لو زادت بها إكثاره
نحكم صنوف الهجا في نظمه ونثره
في درسع الفكر أو في بين آثاره
إن قلت فزّ البدر في منزل النثره
وحنت جمالٍ معاطنها على الثاره
في صافي البانها تغنيك عن خثرة
من عزها النفس ما ينتاشها اخثاره
يمدورٍ في وجوه اكرامها بثره
وجهك توارى بليلٍ زادت ابثاره
ندري معالم أصول الفرع من فثره
الحرف مطواعنا نظمه وبانثاره
يا ناخلٍ حرفها تبحث عن العثرة
انضمّر اللفظ عنها خافي اعثاره
لو كانها في مفازة رمل منتثره
بصوغها تبر شعرٍ شامخٍ ثاره
عندي تساوى عديمٍ المال أو مثره
بالصدق مزنا كريم الخلق وغثاره
ما غرني نومةٍ في فرشةٍ وثرة
بالنجم عالي شغل فكري عن اطثاره
كم صفت اقدام حرفي في صفا شثره
والقيتها طلقةً ما شابها اقثاره
حطيت كفي بنوب الأمر في ثجره
الأمر ما يشتفي إلا من أثجاره
لا تحسب إنها عيون الشعر مندثره
لي صارمٍ عضب ما شابته ادثاره
لافي لساني ولا في مسمعي حثره
يا كم تبعثر حسودي ذاكم حثاره
باعدت عنها مكان السوء والجثره
دامٍ سهيلٍ يناغيني بقيثاره
والختم صلوا على المختار بالكثرة
والال والصحب ومن يقفو لاثاره