لا تصفقون ليا تجليت في بيت
من شافها غصبٍ عليه يتجلّى
والله لو تدخل قصور الطواغيت
ان كل طاغي عن طغاه يتخلّى
ياملهمة فكري من الشعر ما بقيت
ضربٍ من ضروب البديع المحلّى
إلا ودبجته عشانك ولا اخفيت
مشاعر من دفء قربك تصلّى
لقبلت بك لهفه فرحت وتحفويت
وتنسيني اللي مر حالي وولّى
اتعب عشانك وإن لمحتك تشاويت
وليا توكد ناظر العين هلّى
والله لو الحب يحيي لنا الميت
لتشوف حبله في القبور يتدلّى
انا معك على خفوقي تواطيت
منتي بخطو انسان فيك اتسلّى
تعال يارونق حياتي ليا شيت
غالي بدون انك عليّه تغلّى