مكالمه بالتليفون
في مرة رنت التليفون
تقوللي ازي أحوالك
سرحت ف صوتها متبسم
وقلبي يقوللي ايه مالك
وتاني سمعتها تدندن
تقوللي مين شغل بَالك
جاوبت وقلت مش ممكن!
وسِحرك خدني ودلالِك
قالت طب ليه مابتردش
على كلمه باقولهالَك
وقالت إوعى تتهرب
جاوبني وآديني سامعا لَك
جاوبت وقلت تاه عقلي
بهمس الحب في كلامِك
وكنت يادوب راح اكمِّل
قصيدة حب مهداه لِك
سمعت بقلبي ضحكتها
وقلت ياقلبي يهنا لَك
قالت لي صحيح!! مش شايفه
لكن ياقلبي حاسه بَك
كلامك عندي له معنى
وانا مرتاحه لكلامَك
وأنا مشتاقه لقصيدتَك
وزايده اشواقي لغرامَك
ح اسيبك تنشغل بيا
وزيد م الحب وهيامَك
جاوبت وقلت ياعقلي
يزيدك ربي في جمالِك
قصيدتي ثواني اخلصها
ولمح البرق اجيبها لِك
دانا مخلوق عشان خاطرِك
ح اسيب الدنيا وأفضىَ لِك