مأجور ياللي من فراقك تعلمّت
ان الزمن يومين طيّب..وخيّب
فاجئتني بمفارقك ما تولمّت
كذا بدون اسباب عني تغيّب؟؟
مامت من فرقاك لكن تألمت
وشيَّبت بي يا صاحبي قبل أشيِّب
ولولا السحى من عاذلي ما تلعثمت
طاولته اللي في يدي من قريّب
اضحك واسولف وان لحقني سهر نمت
لكن قسم بالله ماني بطيّب
اكافح اهل الشمت بالسمت ..والصمت
ومن شوفتك صدفه قعدت اتهيّب
اخاف اشوفك واكسر الصمت ..والسمت
وادعيك تو الناس وانا مغيّب
شفتك بتهزمني بصدك وسلمت
وذل المحبه.. ذل ما هو يعيب
تدري من المخطي ولو ما تكلمت
ياللي لضني ضنتي ما تخيّب..