يا خاطري ليش الندم حتى لو أن الحظ مال
مليت من بعض العلوم اقصارها واطوالها
اللي يبيني لو سمع في غَيبتي قيلٍ وقال
ما يلتفت لأهل النميمة والحسد وأقوالها
واللي مقفّي لا سؤال ولا وصال ولا اتصال
الشاردة ماني بطاردها ولا ب اسعى لها
مادام يدري إني معه ماشي على زين الخصال
وسريرتي عن ذِكر عيبه محكمات أقفالها
لا بد يذكر موقفي لا غبت وان طال المطال
لا شانت اظروف الليالي واقبلت بأهوالها
ماني كما بعض البشر يقطع يمينه بالشمال
أنا يميني لو قسا وقتي تصون اشمالها