ليه اختارت البعد وظلمت قلبى حبيبى
قلبى عملك ايه علشان ترضى بتعذيبى
لو كان بعدك ليه سبب عندك
كنت قوله يمكن كان يرتاح قلبى
بدل ما اعيش بين حنينى ونارى ولهيبى
مكنتش تسيبنى اتعلق بيك
ولا قلبى يسهر يناديك
طالما البعد سكتك
كنت ارحم قلبى ولياليه
بعدك ده وجعنى حبيبى اكيد
قضيت ليالى حرمان وزعل
كنت بأن بتنهيد
ولا كان قلبك على البال
كتبت حبك على جدار الوريد
واختارت البعد محال
ذكراك فى عقلى محفورة بالتأكيد
لكن قلبك ولا حس ولا اعتبر
ليه نسيتنى ؟! ليه ظلمت قلبى
وسبته يتوجع ؟!
ليه ادتله الامان وكسرته
ولا كان ضميرك جدع
مكنتش تدي لقلبى الامان
وتطعنه بسكينة البعد والاهمال
كان اهون انك ما تعشموش
من البداية
ولا تديدله ضوء أخضر ولا دقة امل
ولا ينسج فى خياله العشق حكاية
بعدك كان انتقام صعب جدا يحتمل
ليه عشمت قلبى ؟! ليه ظلمت قلبى ؟!
ليه اختارت البعد نهاية البداية
وانك تبقى مش جنبى ؟!!!
يمكن الزمن يرجع خطانا يوم
ويمكن اشوف الندم فى عيونك يوم
بس بعد إيه؟! بعد ما القلب تعب ومات
بعد ما حلمي فيك بقى رماد
سيبتني أعيش ف ليل طويل من الألم
ولا حتى سألت يوم عن ايه سبب السكات
ليه يا حبيبى اخترت البعد؟
ليه ظلمت قلبى... ونهيت الغرام؟ ؟