مع أبواب الطريق أقفى .. على متنه ظلال وفيّ
خذا بيدينه سراجه يقد بدهمة الوادي ..
عطاه المغرب كتوفه .. وقفى ما ترك له ضيّ
ينادي فالمساء نجمه .. يتوه شوي وينادي ..
تهب الريح فاوراقي تحرا داخله عن شيّ
تشوف الحزن في عيني سنين شكل ابعادي ..
عوى ذيب الشجن فيني وصاح من الكمد والكيّ
لقى دربه على بير الضلوع وغيّهب فوادي ..
حديث النار لو تدري .. ينادي لك حطبها حيّ
حنين ل كره يدفعني .. جليد وجمر متمادي ..
سريتك والطريق أسمر .. يشتت في خُطا رجليّ
وجرحي ليلة الفرقا يطووووول ويصغر ضمادي ..
سريتك والقلم يذرف على اوراقي سحاب ومي
ويطفي شعلة سراجي .. فلا ( مهدي ) ولا ( هادي ) ..