جيتك مسافر بالأمل حاك له شال
عن مبرد مقبل .. عن قطارٍ يفوته
على متون الصبر ياكثر ماقال
كل المسافة تستحي من سكوته
ينحت بخد البيد وقفه .. وترحال
كل الدروب اللي حناها .. نحوته
من دهشته ينبت ( سؤالٍ ) من سؤال
واذا تعب ( ظله ) يقاسمه قوته
الحزن يلقى في حناياه مدهال
والشوق ينبت في محاني بيوته
له مده يعاني متاهات الامال
وانبَح من صرخة حناياه صوته
اما خذيتي من فم الموت رجال
ولا اتركيه ياصارع اسباب موته