شتت همومي يا صباح التباشير
لمن تجرى نور شمسٍ خجوله
شمسٍ تطل بنجد ماهي ب اغادير
في المملكة ما تشرق فأي دوله
تشرق ويصحى صاحب العش ويطير
ويا قف لها نبض العتم من ذهوله
وتذوب وحشة عابر الدرب ويسير
وتروح صلفات الهموم بسهوله
توي عرفت اليوم معنى قوارير
وتوي اقيس الحب عرضه وطوله
عرفت وش يعني هذي وضعها غير
وعرفت اقيّد نزف قلبي وأقوله
بس الغريب بحضرة أغلى المسايير
دقائق الساعات تمضي عجوله
وأنا هنا من وقت جساس والزير
والطرقي اللي ما لفت به ذلوله
اواه لو ماف السوالف محاذير
واخشى تكون من الأماني زعوله
ان كان سري طاح في قاعة البير
ومن بعدها كل الصعاب محلوله
أقول وين اجلس يا سيد الغنادير
وتقول خلك قرب قلبي وحوله
وأقول لا.. بالقلب وتقولي خير
قلبي وأعرفه مستحيلٍ نزوله
تبين فيها للأنوثة معايير
مثل ما بانت في حياتي رجولة