ماهوب دايم "كل مطرود ملحوق"
ما يستوي للنفس شيٍّ تملّه
بعض المواقف ذكرها يقتل الشوق
تنحر مشاعرها على غير مِلّه
والصاحب اللي صحبته ترّث العوق
يجحدْك لو في مَنكبينِك تشلّه
عليك باللي في غيابك لك يتوق
يحسّ بإحساسك إذا أنّسْت علّه
كفوٍ على كفّه من السمن مدفوق
ما يختلف لو صار في الوقت خِلّه
أصخيت لك نفسي وأنا هامتي فوق
دنّقت لك حشمه ولا هي مذلّه
إن كان لك حقٍّ ترى لغيرك حقوق
يفطن لها اللي فيه عقلٍ يدلّه
طبع الوفاء فيني ولا آداني البوق
وآدوّر لمرضاة. ربّي وأجلّه