وباحب النور
العصافير
.. على حبل غسيل منشور
تنهيدة بياع العسلية
بتطلع رابع دور
وباحب حاجات مش ممكن أذكرها
وحاجات تانية باقولها
في قصايد
تسبقها المارشات النحاسية!
تمنعني المسافات من قول الشعر
تحبسني الكلمات
بين قضبانها
وبيوت أصحابي
لسه فاتحة أبوابها
تغمّق الحارة كل ما أقرب منها
وتغمّض عينها
ساعة ما أبص لبناتها وصبيانها
ده لأني باتأمل ..
تقاطيع الوجه بحبور
وباحب النور!