حبيتو وعمري ما نسيتو

حَبِّيتُو وْعُمّْرِي مَا نْسِيتُو

وْغِيرْ هَذْ الِّليلَة حْلَمْتْ بِيهْ

مَاحَسِّيتْشْ بْرَاسِي حَبِّيتُو

حْبِيبِي وْمَا زَالَة تَنَبْغِيهْ

غَابْ عَلِيَّا بْلاَ مَا وَدَّعْ

كُلّْ يُومْ نَتْسَنَّى يَرْجَعْ فِيهْ

كُونْ شُوفَةْ لَحْلاَمْ تَنْفَعْ

نَبْقَى طُولْ لِيلِي نَحْلَمْ بِيهْ

قَالُو لَحْلاَمْ رَغْبَاتْ دْفِينَة

وَايْلاَ تْحَقَّقَتْ مَنْ غْرَايَبْ الزّْمَانْ

لَوْكَانْ نَلْقَاوْ كُلّْ مَا بْغِينَا

مَا يَشْقَى فَالدَّنْيَا إِنْسَانْ

حَبِّيتُو وْكُنْت نَتْسَنَّى

مَنُّوغِيرْ كَلْمَةْ إِعْجَابْ

حَبِّيتُو وْكُنْتْ نَتْمَنَّى

يْجِي وَيْجِيبْ الْخَطَّابْ

حَبِّيتُو هَدِي اكْثَرْ مَنْ سَنَة

إِنَّمَا سَالْ عَلْرَّزَق وْمَايَكْتَابْ