يالبعيد اللي احسه أقرب الأقرب لذاتي
يالحقيقة في شتات الظن يا بيض النوايا
يا مدد ربي،وقسمه قلبي،واسلّم عداتي
يا تناقض اختياراتي، عيوبي والمزايا
يا شتاتي وأمنياتي، غصه الموت فحياتي
يا دواي وداي، يا أقسى ويا أطول حكاية
يا مزاجي واحتياجي يا طريقي والتفاتي
يا غنا قلبً متيم فيك عن كل البرايا
يا رواية عمري ويا شعر روحي وأغنياتي
لا حظ عيوني وتقرا لك عن شعوري روايا
يا خشوع التايه المغرور يا أمين دْعواتي
يا هديه ربي لقلبي لك ضلوعه هدايا
يا موصلني حدود الموت في كلمه غلاتي
والله إني عقبها ما خفت جلاب المنايا
انت تطري مثل ما تطري على البال أمنياتي
يا هوى ماله بداية - وين ابلقى له نهاية؟
شفتك الواجد على هالأرض يا قبله جهاتي
لين شلتك عن صدوف القاع بأنحاء الحنايا
جيتلك في قلبً اطهر من دموعي في صلاتي
فالزمان اللي البشر فيه البسواً ثوب الحيايا
لك مثل ما للعيون الساهرات من المباتي
يا طموحً كم سرق في دمعتي ضحك الشفايا
كثر مالك في تفاصيلي تَشبه بك صفاتي
كثر ما سائو فهم عفوية أفعالي وشايا
كثر ما هم داخل عيوني صوْرك ساكناتي
والله إنِْ أحياناً أشوفك وأنا بروحي معايا
يكفي انك كنت يوم من العمر في ذكرياتي
لو حصلي ما حصلي بالعمر هذي كفاية