فراغ قلبي غلاك ارهى على سدّه
ليتك تشوف الغلا وأبراجه وعاجه
اقوى رياح العذل ما تقدر تهدّه
والا الجفى لو تنفس هدم أبراجه
تغانم الوصل.. لان البعد لابدّه
ياتيك في يوم ثم ياخذك ب أدراجه
اللي لي انك.. تلين وتترك الشدّه
واللي لك اني ما أسولف لك لهرّاجه
ولاني ب زعلان واللي نرتجي مدّه
يا باب قلبي ويا قفله ويا مزلاجه
زعله تغلي.. ومن تزعله من قدّه
ما دام كل يبي.. دربك ومنهاجه
غالي وتبخل علي وتطول الصدّة
الله يسامح غلاك ويلعن الحاجة