ياضيقة الصدر الشمالي تعالي
ماني بخير وصاحب الخير زعلان
العلم صوتٍ رغم الانصات عالي
طيّر منام اللي على النوم شفقان
قالوا نخاك وجيت مدري بحالي
أسمع صدى ( ينخاك ) من كل الاركان
نفاع يومٍ انه تضايق شكالي
وابطيت ( اروّغ ) لين شفت الزعل بان
صبرك عليّه لا تدور بدالي !
لعيونك اصدح بالصدى كيف ماكان
اطلع بثوبٍ ملبسه مازهالي
أخير مااطلع في نواظرك عريان
إما أني أعلن عن قرار اعتزالي
والا اعتزيت وصار لابياتها شان
لاوالله ابشر يابعد من غدالي
من يزعلك ( غزه ) للابيات نيشان
الأنف عالي والقصيد إنفعالي
ومن وين ماتنظر حواليك ويلان
ربعي وربعك حاميين التوالي
افعالهم لاقوالهم خير برهان
بس المصيبه يوم ( ابحّر ) قبالي
والا انها بالحثل والحثل مليان
هذي هي اللي ، عاد ماهي ببالي
يطلع لنا من داني القوم ، عدوان
هنا يكون اللامبالي مبالي
لاثار دخان الزعل بين الاخوان
ملعون ابو شعرٍ على حساب غالي
تزعل وترضى بعد بكره وتندان
اصبر على ضيم الصديق الموالي
اخير من وطْي ( الجحش ) وطية حصان