اكبر خطا عذرٍ يجي بين الاخوان !!
لا صرت اخوي وتعتذر لي فشيله
مخطي اذا ظنيتني كنت زعلان
حيشاك والله مايجي منك عيله
غلطان يومك تعتذر ماانت غلطان
ماابي عدوّك منك يشفي غليله !!
ابك انت لو وزنت قدرك بميزان
عجزت موازين المحبه تشيله
نسل الطنايا مايجي منك نقصان
النقص يلفي من خطاة الهبيله
السالفه ماهي قصايد وقيفان !!
عشرة وعيش وملح ماهي قليله
" اضرب على الكايد لياصرت بحلان "
وانا عضيدك لا عدمت الوسيله !!
الطيب مبطي بين شمر وويلان
كل القبايل تعتبرهم (( قبيله ))