في بلدنا أرض المعجزات
الحفره فيها كل خير
ووقوعنا في قلب الحُفر
مفروض عليها وخط سير
حُفر طريقك فى الصباح لو، تجتهد
وحُفر كتير قبل النجاح،
من أجل ذنبك يغتفر
وحُفر لأجل تجتاز إختبارك في الحياة ،
ومن طريقك تعتبر
من أهلها،
تسمع عن الخوف والأمان
أهو خلطبيطه في إسمها
تسأل عن الخوف يوصفولك
صوت السكون من اهلها
تسأل وفين أرض الأمان
قالوا مكتوب بعدها
ثلاثين سنه
وحُفَر طريقنا بألف خير
يمكن أمان ارض البلد
مكتوبهنا ويعيش لغير
يمكن أذى الأيام خيال
يمكن هَنا
وواقعنا فيها حساب ضمير
يمكن يكون قلبك أسير
أو فيك تشاؤم مِ الحياة
يمكن تكون محتاج ضمير
معدوم ودا هدف الجُناة
يمكن نكون المُكرَهين على حُبها
أو من بواقي الصابرين على ارضها
يمكن تفاصيل الحياة،
تستدعي فيها إننا،
نمشي في طريق الكادحين
من كُتر شيل الهم أو من همنا
عايشين صباحها متعبين
وبعد الغروب وقت المسا
يمكن نكون متأسفين؟!
يمكن كدا، ويمكن كدا
ويمكن كمان و ك إننا
مستعجلين على حلمنا
وكأننا، خايفين على حلم المسا
ليضيع مع شمس الصباح
ل شعاع ضيائها ينطفي؛ ف هنختفي من بعدها
وتضيع حياتنا في فهمها!
ونعيد حكاوي في رسمها
طول الطريق حفر حفؤ
كرم_محمد_حربي
حُفَر
شعر