آه ياليل الآسى مبطي وحيد
والدقايق فإنتظاري غادره
فج صبح الحلم في عليا تليد
مرقبي واحلام فكري صادره
من شفوف الشوق عنيت القصيد
والهجوس بوسط جوفي هادره
علميني كيف احبك من جديد
علميني كان جيتي مبادره
اجمعي كل الغلا شف ورصيد
في خفوقي كانك انتي قادره
جيتلك كني عبيد ابن الرشيد
وانتي حايل بالغلا يالنادره
معصم العليا ينادي للبعيد
وان لجم لكروش جات تبادره
اعتقيني من غيابك لو تزيد
الجروح اللي بجالي حادره
حزنك اللي ساكنن وسط الوريد
من غيابك بينت بوادره
دون وصلك بالهوى ماني سعيد
والدقايق فانتظاري غادره